منتدى الشاعر / محمد السخاوى
أهلا بزوارنا الكرام

الديمقراطية

استعرض الموضوع السابق استعرض الموضوع التالي اذهب الى الأسفل

الديمقراطية

مُساهمة من طرف محمد السخاوى في الأحد أكتوبر 06, 2013 8:02 am

أول ما نسمع كلمة ديمقراطية نقول حاجة معروفة إيه لازمة النفخ يعنى .... بالعكس مش معروفة لكتييييير وعشان كده مفيش حاجة اسمها ديمقراطية فى بلدنا بدءاً من المدرسة للجامعة للعمل حتى داخل الأسرة .... تعرفوا إيه بديل الديمقراطية؟؟؟ مش حتصدقوا ... الذل ... أيوة كل اللى مش عارف ياخد حقه كإنسان داخل بلده ذليل ... ليه لأنه الأول لازم يشارك فى صناعة الديمقراطية و تنفيذها وهي باختصار (دولة المؤسسات وسيادة القانون) مين فينا بيحترم القانون بينه وبين نفسه فى كل الأوقات ؟؟؟ يعنى اللى بيتهرب من الضرايب زي اللى بيزوغ من الكمسري زي اللى بيحط كراسى القهوة عالرصيف وفى نص الشارع زي اللى بيغش فى تجارته زي اللى بيرفع الأسعار زي اللى بيرمى الزبالة فى الشارع زي اللى بيعين قريبه فى الحتة اللى هو فيها ويسيب الأكتر كفاءة بدل ما يقول لقريبه خد دورات مكثفة تأهلك لسوق العمل وبعدين تعالى اتعين كل دول مش فاهمين الديمقراطية أو فاهمينها على إنها معادل الفوضى ... وأول بداية الديمقراطية هى احترام القضاء واستقلاله ما يجيش رئيس يعين النائب العام لأنه لو عمل كده يبقى مش بيحترم القانون يبقى مستبد ويبقى بيفتح الباب للشعب ياخد حقه بدراعه فيه حاجة اسمها مجلس القضاء الأعلى هو اللى يعين النائب العام ... مش الرئيس ولا غيره ... وفيه شعب يقعد فى المجالس النيابية يحط القوانين اللى ناوي يحترمها مش اللى ناوي يخترقها... وبعد ما يحط القوانين يسيب بقى العيش لخبازينه يسيب تطبيق القانون للقضاء ويحترم أحكامه مش يشكك فى المنظومة كلها عشان الحكم مش عاجبه .... لو كان مرسى غير النائب العام وترك مهمة تعيينه لمجلس القضاء الأعلى ... كان الجيش اتحرك لحماية القانون اللى هو بيرعاه لكن لأنه ضرب عرض الحائط بقدسية القضاء فالجيش اتحرك لينفذ إرادة الشعب مصدر السلطات ... لأن أبسط حكمة لازم الرئيس يحطها بين عينيه هى (العدل أساس الملك) ... لو اتحققت الديمقراطية فى بلدنا مش حيبقى فيه كام مليون وحدة سكنية مغلقة وكام مليون اسرة فى الشارع أو فى العشش لعدم توفر المسكن لأن القانون بيلزم رأس المال بتأدية الوظيفة الاجتماعية يعنى الشقق دى حسب القانون لازم تتفتح ويسكنها أفراد المجتمع زى ما لازم كل واحد ميتهربش من الضرايب زى مالازم كل واحد ما يتعداش على ملكية الآخرين ولا على الملكية العامة (هى دى الديمقراطية يا عبده) فهمت حاجة ؟؟؟ ولا أنا ههههههههههههههههههههههه.
avatar
محمد السخاوى
المدير

عدد المساهمات : 62
تاريخ التسجيل : 02/04/2010
العمر : 56
الموقع : http://kreem.montadarabi.com

معاينة صفحة البيانات الشخصي للعضو http://kreem.montadarabi.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى